മലയാളമനോരമയുടെ നാമകരണം

 

*മലയാളമനോരമയുടെ നാമകരണം*

ദേശീയ പത്രദിനമായ ഇന്ന് ഒരു വിവരവിജ്ഞാനം പങ്കുവെക്കട്ടെ. 

മലയാള മനോരമ എന്ന് ആ പത്രത്തിന് പേരിട്ടത് വില്വട്ടത്ത് രാഘവൻ നമ്പ്യാർ എന്ന പണ്ഡിതകവിയായിരുന്നു. ഇതിനുള്ള തെളിവ് ലഭിക്കുന്നത് അദ്ദേഹത്തിൻ്റെ നിര്യാണത്തിൽ അനുശോചിച്ച് മനോരമ പ്രസിദ്ധീകരിച്ച കുറിപ്പിൽ നിന്നാണ്. 

"മനോരമ ജനിക്കുന്നതിനു വളരെ മുമ്പുതന്നെ അതിന്റെ വാസഗൃഹത്തിൽ എത്തുകയും അതിന്റെ ജനന സമയത്തു കൂടി ഹാജരായി ഇരിക്കുകയും അപ്പോൾ സമയം തീർച്ചപ്പെടുത്തുകയും തലക്കുറി കുറിക്കുകയും ജാതകം, നാമകരണം മുതലായ ക്രിയകൾക്കുകൂടി സഹായിക്കുകയും അതിനെ ആജീവനാന്തം പുത്രീ നിർവിശേഷമായ-വാത്സല്യത്തോടുകൂടി ലാളിക്കുകയും ശുശ്രൂഷിക്കുകയും ചെയ്തുകൊണ്ടി രിക്കുകയും ചെയ്ത ആ മഹാന്റെ ദുഃഖത്തെ മനോരമ എങ്ങനെ സഹിക്കും?"

(1899 ഏപ്രിൽ 15)

കടപ്പാട് - ട്വിറ്റെർ അഥവാ X 

https://x.com/manoj_manayil/status/1725007405438877785?s=20

---

1888 മാർച്ച്‌ 14നു് ഈ സ്ഥാപനം മലയാള മനോരമ എന്ന പേരിൽ രജിസ്റ്റർ നടത്തുകയും ചെയ്തു. ബ്രിട്ടീഷ്‌ ഇന്ത്യയിൽ ആദ്യമായാണ്‌ പ്രസിദ്ധീകരണ രംഗത്തേക്ക്‌ ഇത്തരം ഒരു സ്ഥാപനം കടന്നുവരുന്നത്‌. വറുഗീസ്‌ മാപ്പിളയായിരുന്നു പ്രഥമ പത്രാധിപർ. 1890 മാർച്ച്‌ 22-ന്‌ കോട്ടയത്തു നിന്ന് മലയാള മനോരമ പ്രസിദ്ധീകരണം ആരംഭിച്ചു

https://tinyurl.com/bdepjzrd

---

കണ്ടത്തിൽ വറുഗീസ് മാപ്പിളയ്ക്കു പുലിക്കോട്ടിൽ മാർ ദിവന്നാസിയോസ് മെത്രാപ്പൊലീത്തയും കേരളവർമ വലിയ കോയിത്തമ്പുരാനും ശ്രീമൂലം തിരുനാൾ മഹാരാജാവും ചെയ്ത സഹായം അവിസ്മരണീയമത്രേ. മലയാള മനോരമ എന്ന പേരു നിശ്ചയിക്കുന്നതിൽ വലിയ കോയിത്തമ്പുരാനു പങ്കുണ്ട്. ഒരു പേരു നിർദേശിക്കാന്‍ കണ്ടത്തിൽ വറുഗീസ് മാപ്പിള പലർക്കും എഴുതിയിരുന്നു. *കിട്ടിയ പേരുകളിൽ അദ്ദേഹത്തിന് ഇഷ്ടപ്പെട്ടത് സിഎംഎസ് ഹൈസ്കൂളിലെ മലയാളം മുൻഷി വിൽവട്ടത്ത് രാഘവൻ നമ്പ്യാർ അയച്ച ‘മലയാള മനോരമ’ എന്ന പേരാണ്*. വലിയ കോയിത്തമ്പുരാൻ അതേ പേരുതന്നെ തിരഞ്ഞെടുക്കുകയായിരുന്നു. തിരുവിതാംകൂർ രാജമുദ്ര തന്നെ ഈഷദ്ഭേദത്തോടെ മലയാള മനോരമയുടെ ആദർശമുദ്രയായി ഉപയോഗിക്കുവാനുള്ള അനുമതി നൽകിയത് ശ്രീമൂലം തിരുനാൾ മഹാരാജാവാണ്. ആദ്യത്തെ പത്രമാഫിസിനുള്ള കെട്ടിടം നൽകിയത് പുലിക്കോട്ടിൽ രണ്ടാമന്‍ മെത്രാപ്പൊലീത്തയാണ്.

https://www.manoramaonline.com/literature/manorama-books/2023/05/14/kunnamkulam-manorama-book-by-rajan-chungath.html

---

ഭാരതീയ വാസ്തുശാസ്ത്രഗ്രന്ഥങ്ങളിൽ കേരളത്തിൽ ഏറ്റവും പ്രചാരത്തിലുണ്ടായിരുന്ന തച്ചുശാസ്ത്ര ഗ്രന്ഥമാണ് മനുഷ്യാലയചന്ദ്രിക. തിരുമംഗലത്ത് നീലകണ്ഠനാണ് ഇതു രചിച്ചത്. മാതംഗലീല, കാവ്യോല്ലാസം എന്നീ ഉൽകൃഷ്ടകൃതികളുടെ കർത്താവു കൂടിയായ തിരുമംഗലത്ത് നീലകണ്ഠൻ കേളല്ലൂർ ചോമാതിരിയുടെ ശിഷ്യനായിരുന്നുവെന്നും ജീവിതകാലം കൊല്ലവർഷം എട്ടാം നൂറ്റാണ്ടാണെന്നും കരുതപ്പെടുന്നു.

മനുഷ്യാലയചന്ദ്രികക്ക് വില്വട്ടത്ത് രാഘവൻ നമ്പ്യാർ, പാലോളി ചോയിവൈദ്യർ നീലകണ്ഠനാചാരി തുടങ്ങി പലരും വ്യാഖ്യാനങ്ങൾ എഴുതിയിട്ടുണ്ട്.

https://tinyurl.com/3ks4zn2t

---