How inventory consignment programs can improve supply chain performance: a process oriented perspective

https://archive.is/OZH4R

http://www.scielo.br/scielo.php?script=sci_arttext&pid=S0103-65132017000100322#aff02

How to cite this article: Malhotra, M. K., Mackelprang, A. W., & Jayaram, J. (2017). How inventory consignment
programs can improve supply chain performance: a process oriented perspective. Production , 27 , e20170064.
http://dx.doi.org/10.1590/0103-6513.006417

 

കലയായും കാലമായും പത്മിനി

സുസ‌്മേഷ‌് ചന്ത്രോത്ത് susmeshchandroth.d@gmail.com Updated: Sunday May 19, 2019

അമ്പതു വർഷം മുമ്പ‌്

1969 മെയ് 16ന‌്  മാതൃഭൂമിയിൽ ഒറ്റക്കോളത്തിൽ ഒരു വാർത്ത. ‘ഒരു നല്ല ചിത്രകാരിയായിരുന്ന ശ്രീമതി ടി കെ പത്മിനി (കാടഞ്ചീരി പത്മിനി) പ്രസവസംബന്ധമായ അസുഖം നിമിത്തം ഞായറാഴ്ച നിര്യാതയായി'. 

കുറ്റിപ്പുറത്തുനിന്ന് മെയ് 15ന് റിപ്പോർട്ട് ചെയ‌്ത ആ വാർത്തയിൽ പത്മിനിയുടെ പ്രായം 23.  എന്നാൽ‌‌‌‌‌‌, മരിക്കുമ്പോൾ ടി കെ പത്മിനിക്ക‌് ഇരുപത്തിയൊമ്പത് വയസ്സായിരുന്നു. 

കഴിഞ്ഞ ഞായറാഴ്ച, മെയ് 12ന‌്, ടി കെ പത്മിനിയുടെ അമ്പതാം ചരമനാളിൽ കുറ്റിപ്പുറത്ത് നിളയോടുചേർന്ന് പുതുതായി പണികഴിപ്പിച്ച ടി കെ പത്മിനി ഓപ്പൺ ഓഡിറ്റോറിയത്തിനു സമീപം നിൽക്കുമ്പോൾ അന്ന് വാർത്തയെഴുതിയ പ്രാദേശിക ലേഖകനെപ്പറ്റി വെറുതെ ഓർത്തു. എന്തുകൊണ്ടായിരിക്കാം ആ ലേഖകൻ വാർത്തയോടൊപ്പം കാടഞ്ചീരി പത്മിനി എന്ന് ബ്രാക്കറ്റിൽ എഴുതിയിട്ടുണ്ടാവുക. അന്ന് വേറെയും പത്മിനിമാർ (വരയ‌്ക്കുവാനായി പൊന്നാനിയിലോ കുറ്റിപ്പുറത്തോ എടപ്പാളിലോ ഉണ്ടായിരുന്നുവോ..?) അതോ കാടഞ്ചീരി ഭാഗത്തുനിന്ന‌് വന്ന് പ്രശസ്‌തയായ ചിത്രകാരി എന്ന നിലയിൽ എളുപ്പത്തിൽ വായനക്കാർക്കും നാട്ടുകാർക്കും അറിയുന്നതിനുവേണ്ടിയായിരിക്കുമോ കാടഞ്ചീരി പത്മിനി എന്നു പ്രത്യേകം കൊടുത്തത്. അറിയില്ല. അതൊക്കെ ചോദിച്ചു മനസ്സിലാക്കാൻ സാധിക്കുന്നവർ ഇന്ന്  നാട്ടിലും കുടുംബത്തിലും അധികം ഇല്ല. 

അമ്മാമയുടെ കണ്ണീരോർമ

പത്മിനിയെക്കുറിച്ച് എന്തുചോദിച്ചാലും പറഞ്ഞുതരുമായിരുന്ന ആൾ കഴിഞ്ഞ  നവംബർ 11ന് ലോകം വിട്ടുപോയി. മരുമകളെ ഓർമിച്ചോർമിച്ച് നിരന്തരമായി പൊഴിയുന്ന കണ്ണീരിന്റെ പേരായിരുന്നു ടി കെ ദിവാകരമേനോൻ. ഞാൻ ചെന്നു കാണുമ്പോഴെല്ലാം അദ്ദേഹം പത്മിനി എന്ന് ഉച്ചരിച്ചതിനുശേഷം കരയുകയായിരുന്നു പതിവ്.  അഭിമുഖം വീഡിയോയിൽ റെക്കോഡ് ചെയ്യുമ്പോൾ പലപ്പോഴും നിശ്ശബ്ദനായി. ചുണ്ടുകൾ സന്താപത്താൽ വിറയ‌്ക്കുകയും കണ്ണുകൾ നിറയുകയും ചെയ്‌തു. അവസാനകാലത്ത് ഓർമയുടെ അറകൾക്ക് ബലക്ഷയം വന്നിരുന്നു, എന്നിട്ടും. ഓർമിക്കാതിരിക്കാനാകുന്നില്ല പത്മിനിയെ. ഓർക്കുമ്പോൾ നഷ‌്‌ടപ്പെട്ട വലുപ്പത്തെക്കുറിച്ചോർത്ത് ദുഃഖിക്കാതിരിക്കാനുമാകുന്നില്ല. അതായിരുന്നു പത്മിനിയുടെ അമ്മാവനായിരുന്ന ദിവാകരമേനോൻ. കാണാതെപോയ പത്മിനിച്ചിത്രങ്ങൾ വീണ്ടെടുക്കാനായി പരാതികളുമായി ഒൗദ്യോഗികമണ്ഡലങ്ങളിൽ കയറിയിറങ്ങിയ, പത്മിനിച്ചിത്രങ്ങൾക്ക് സ്ഥിരമായ ഇരിപ്പിടമൊരുക്കാൻ സാംസ‌്‌കാരികവകുപ്പിനോടും സർക്കാരിനോടും സഹായമഭ്യർഥിച്ച് അത് സഫലമാക്കിയ, മരുമകൾക്കായി ഇരിപ്പുറയ‌്ക്കാതെ അലഞ്ഞ അമ്മാമ. പത്മിനിയെക്കുറിച്ച് സിനിമയെടുക്കുന്നതിന്റെ പ്രാരംഭമായി അമ്മാമയെ അഭിമുഖം ചെയ‌്തിറങ്ങുമ്പോൾ എന്റെ ക്യാമറാമാൻ മനേഷ് മാധവൻ ചോദിച്ചു. 

"നമ്മളാദ്യം ആരെക്കുറിച്ചാണ് സിനിമയെടുക്കേണ്ടത്, ദിവാകരമേനോനെക്കുറിച്ചോ പത്മിനിയെക്കുറിച്ചോ..?' 

ശരിയാണ്. ആ ആശയക്കുഴപ്പം എല്ലായ‌ിപ്പോഴും  മുന്നിലുണ്ടാകും പത്മിനിയെ തിരക്കിവരുന്ന ആരിലും. ദിവാകരമേനോന്റെ ഉത്സാഹമില്ലെങ്കിൽ ടി  കെ പത്മിനിയില്ല. ടി  കെ പത്മിനിയില്ലെങ്കിൽ ദിവാകരമേനോനുമില്ല. 

തന്നെക്കാൾ മൂന്ന് വയസ്സിനിളയ മരുമകൾ തനിക്ക് മരുമകളായിരുന്നില്ല മകളായിരുന്നു എന്ന് അദ്ദേഹം എല്ലാവരോടും പറഞ്ഞിട്ടുണ്ട്. മരുമക്കത്തായത്തിന്റെ സൗഭാഗ്യങ്ങളിലൊന്നായിരുന്നു ആ മൈത്രി എന്നു കരുതാനാകില്ല. അത് കലയുടെ അനുഗ്രഹീതവഴികൾ തിരിച്ചറിഞ്ഞ ഒരു കലാസ്വാദകന്റെ നിറസ‌്‌നേഹം കൂടിയായിരുന്നു. അല്ലെങ്കിൽ കുഞ്ഞിലേ വരച്ചുതുടങ്ങിയ പത്മിനിയെ സവിശേഷമായി ശ്രദ്ധിക്കാൻ അദ്ദേഹത്തിനു സാധിക്കില്ലായിരുന്നു. 

വരയുടെ പൊന്നാനിച്ചിട്ട

ടി കെ പത്മിനിയുടെ ഒരു പെയിന്റിങ്‌

ചരമവാർത്തയിൽ ‘കാടഞ്ചീരി' എന്നാണെഴുതിയിട്ടുള്ളതെങ്കിലും ഇപ്പോളെല്ലാവരും കാടഞ്ചേരി എന്നു വിളിക്കുന്ന ഗ്രാമം പഴയ പൊന്നാനി താലൂക്കിലാണ്. എടപ്പാൾ ചുങ്കത്തുനിന്ന‌് തിരിയുന്ന വഴി പണ്ട്, പത്മിനി മരിച്ചടർന്നുപോയ അമ്പത് വർഷംമുമ്പ് വയലുകൾക്കും പറമ്പുകൾക്കും നടുവിലൂടെ നീളുന്ന ഒറ്റയടിപ്പാത. പൊന്നാനിയിൽനിന്ന‌് വരുന്ന വഴിയും അങ്ങനെതന്നെ. ഇന്ന് ആ രണ്ടു ചവിട്ടടിപ്പാതകളുടെയും ദിശ മാറിയിട്ടുണ്ട്. അന്ന്, ഇരുവഴികളും വന്നു മുട്ടിയിരുന്ന തൊഴുക്കാട്ട് കാടഞ്ചേരി തറവാടും ഇന്നില്ല. അതിനോടുചേർന്ന് തറവാട്ട് വളപ്പിലുണ്ടായിരുന്ന കുളവും കാവും മറ്റ് അമ്പലങ്ങളും ഇന്നുമുണ്ട്. പത്മിനിക്ക് പ്രിയപ്പെട്ട ആലങ്ങോട്ട് കാവും. ഓടിട്ട വീടുകളും പിന്നീട് കോൺക്രീറ്റ് പൊതിഞ്ഞ വീടുകളും നിറയെ ഉയർന്നുവന്നിട്ടും പത്മിനി ജീവിച്ചു മരിച്ച ദേശത്തിന്റെ തനിമ ഇന്നുമവിടെ കാണാം. ചെറിയ വഴികൾ, നീർച്ചാലുകൾ, കുളങ്ങൾ, വയലുകൾ, വിസ‌്തൃതമായ ആകാശങ്ങൾ, വിചിത്രരൂപികളായ വൃക്ഷങ്ങൾ, പിന്നെ പലതരം പാമ്പുകളും പക്ഷികളും.. അന്ന് മേൽക്കൂരയില്ലാത്ത അമ്പലങ്ങളായിരുന്നു ചുറ്റിനും. അമ്പലമുറ്റത്തോ പറമ്പിലോ അനാഥമായിരിക്കുന്ന കൽവിളക്കുകളും കാണാം. അക്കാലത്ത് നായർവീടുകളിൽ പതിവുണ്ടായിരുന്ന സാധാരണഭക്തിക്കപ്പുറം പത്മിനിക്ക് ഭക്തിയോ അമിതാരാധനയോ ഉണ്ടായിരുന്നതായി അറിയില്ല. കേട്ടറിവിൽ ലളിതവസ്ത്രധാരിയായിരുന്നു പത്മിനി എന്ന പെൺകുട്ടി. മിതഭാഷിയായി, തന്നിലേക്ക് ഒതുങ്ങി, സാഹചര്യങ്ങളോട് സമരസപ്പെട്ട് ജീവിച്ചുവന്ന പെൺകുട്ടി. അവളെങ്ങനെ  ചിത്രകാരിയായി? പൂർവികരുടെ ഏതോ ഞരമ്പുകളിൽ വരയുടെ ഒരു രക്തച്ചാല് ഒഴുകിയിട്ടുണ്ടാകണം. അത് പത്മിനിക്കായി 1940 മെയ് 11 ന് ഒമ്പത് മാസംമുമ്പേ വന്നുചേർന്നിട്ടുണ്ടാകണം. പത്മിനിയുടെ അച്ഛൻ ദാമോദരൻനായരും അമ്മ അമ്മുഅമ്മയും അത് അറിഞ്ഞിട്ടുണ്ടാകണമെന്നില്ല. വരയുടെ പരമാനുഗ്രഹത്തിന്റെ കൈത്തലം അവരുടെ മകളുടെ നെറുകയിൽ പതിഞ്ഞത് അദൃശ്യമായിട്ടാകാം. പത്മിനി പിറന്ന നിമിഷങ്ങളെ ഞാൻ വിചാരിക്കുന്നത് അദൃശ്യരൂപികളുടെ ഒരു സംഘം കീർത്തനം പാടുന്ന സന്ദർഭമായിട്ടാണ്. കുഞ്ഞ് വളരുന്ന ഒാരോ ദിക്കിലും നിമിഷത്തിലും അവർ, ദേവകളോ മായാരൂപികളോ ആയി കൂടെ നിന്നിട്ടുണ്ടാകണം. അല്ലെങ്കിൽ തോടുകളെയും പാടങ്ങളെയും തവളകളെയും പ്രാണികളെയും ആകാശങ്ങളെയും ആനകളെയും ഉത്സവങ്ങളെയും ഇത്ര ദൃഢമായി മനസ്സിൽ പതിപ്പിക്കാൻ ഒരു കുഞ്ഞിനെങ്ങനെ സാധിക്കും. 

ചിത്രകലയുടെ അദൃശ്യഹസ‌്തം

പത്മിനി നാലുവരെ പഠിച്ച സ‌്കൂൾ ഇപ്പോഴുമുണ്ട് കാടഞ്ചേരിയിൽ. അവിടെ വച്ചാണത്രേ ചിത്രകലയുടെ അദൃശ്യശക്തി പത്മിനിയെ വന്നു ഇടയ‌്ക്കിടെ തൊടുന്നുണ്ടെന്ന് അധ്യാപകൻ അറിയുന്നത്. പിന്നീടാണ് പൊന്നാനി അച്യുതവാരിയർ ഹൈസ‌്കൂളിൽ പഠിക്കാനായി പത്മിനി ചേരുന്നത്. അവിടെ വച്ച് ദേവസി കാട്ടൂക്കാരൻ എന്ന ചിത്രകലാധ്യാപകൻ ടി കെ പത്മിനിയിലെ പ്രതിഭയെ ഒതുങ്ങിനിൽക്കാനനുവദിക്കാതെ കൂട്ടിപ്പിടിക്കുന്നു. പിന്നീട് മദ്രാസ് സ‌്കൂൾ ഓഫ് ആർട്സ‌് ആൻഡ് ക്രാഫ്റ്റ്സിൽനിന്ന‌് പഠിച്ചുവന്ന പൊന്നാനിക്കാരൻ വാസുദേവൻ നമ്പൂതിരി എന്ന ആർട്ടിസ്റ്റ് നമ്പൂതിരി, ഇടശ്ശേരി ഗോവിന്ദൻ നായർ എന്ന വലിയ കവി, പൊന്നാനിയിലെ കൃഷ്ണപ്പണിക്കർ വായനശാലയിൽ ഇടശ്ശേരിയെ കാണാൻ ഒത്തുകൂടിയിരുന്ന പ്രഗത്ഭരുടെ  നിര, അവരോടൊപ്പം സജീവമായുണ്ടായിരുന്ന ദിവാകരമേനോൻ എന്ന കലാസ്വാദകനായ അമ്മാവൻ, മദിരാശിയിലുണ്ടായിരുന്ന എം ഗോവിന്ദൻ, എം വി ദേവൻ, മദിരാശിയിലെ പഠനകാലത്ത് പ്രിൻസിപ്പലായും ഗുരുവായും ഒപ്പമുണ്ടായിരുന്ന കെ സി എസ് പണിക്കർ. സഹപാഠികളായും സമകാലികരുമായി മദിരാശിയിലുണ്ടായിരുന്ന സി  എൻ കരുണാകരൻ, അക്കിത്തം നാരായണൻ, കാനായി കുഞ്ഞിരാമൻ, എസ് ജി വാസുദേവ്, കെ വി ഹരിദാസൻ, ജയപാലപ്പണിക്കർ, പാരീസ് വിശ്വനാഥൻ തുടങ്ങി ജീവിത സഖാവായി തീർന്ന കെ ദാമോദരൻവരെ. 

പത്മിനിയെ വീണ്ടെടുക്കുമ്പോൾ 

ഇരുപത്തിയൊമ്പത് വർഷങ്ങൾ കടന്നുപോയത് ഇങ്ങനെയാണ്. കുറ്റിപ്പുറം പാലത്തിനോടുചേർന്ന് മിനി പമ്പ എന്നു പേരുകിട്ടിയ കടവിനോട് ചേർന്നാണ് ഇന്ന് ടി കെ പത്മിനിയുടെ പേരിൽ ഒരു തുറന്ന വേദിയുള്ളത്. സ്ഥലം എംഎൽഎ  കെ ടി ജലീലിന്റെ ഉത്സാഹത്തിൽ ഉയർന്നുവന്ന സ‌്മാരകവേദി. നിളയിലെ കാറ്റിനെ തലോടി പത്മിനിയുടെ പേരിട്ട വേദിയിൽ നിൽക്കുമ്പോൾ എല്ലാ ഭാവി പദ്ധതികളും അർധോക്തിയിൽ നിർത്തി അവിചാരിതമായി ചരമമടയേണ്ടിവന്ന പത്മിനിയിലായിരുന്നു എന്റെ മനസ്സ്. ഇന്ന്, കേരളം പത്മിനിയെ തിരിച്ചറിയുന്നു. തിരികെ വിളിക്കുന്നു. പത്മിനി അവശേഷിപ്പിച്ചുപോയ ഇരുന്നൂറ്റമ്പതിലേറെ ചിത്രങ്ങളിലേക്ക് കലാലോകം കുതിച്ചുചെല്ലുന്നു. പക്ഷേ, വലിയൊരു കാലം പത്മിനി ഇരുളിലായിരുന്നു.

 മെയ് 9 മുതൽ 12 വരെ കുറ്റിപ്പുറത്തുവച്ച് കേരള ലളിതകലാ അക്കാദമിയും ടി  കെ പത്മിനി മെമ്മോറിയൽ ട്രസ്റ്റും സംയുക്തമായാണ് അമ്പതാം ചരമവാർഷികവും ടി  കെ പത്മിനി പുരസ‌്കാരവിതരണവും നടത്തിയത്. അതിനോടനുബന്ധിച്ച് കേരളത്തിലെ എല്ലാ ജില്ലയിൽനിന്നും തെരഞ്ഞെടുത്ത മുപ്പത്തിയഞ്ചോളം ചിത്രകാരികൾ പങ്കെടുക്കുന്ന ചിത്രകലാക്യാമ്പും നടന്നു. ക്യാമ്പിൽ പങ്കെടുത്തവരിൽ നന്നേ പ്രായം കുറഞ്ഞവരുണ്ടായിരുന്നു. പ്രായമുള്ളവരുമുണ്ടായിരുന്നു. ആരംഭകാലത്ത് സാധാരണ കുട്ടികളെപ്പോലെ വരച്ചിരുന്ന ചിത്രകാരിയായിരുന്നു പത്മിനിയെന്ന് നമ്പൂതിരി ഓർത്തുപറയുന്നുണ്ട്. ക്ലാസിൽ വരപ്പിച്ച ഒരു ‘മത്തങ്ങ'യിലെ അസാധാരണത്വമാണ് ദിവാകരമേനോൻ എന്ന അമ്മാവനെ തേടിച്ചെല്ലാനും പത്മിനിയെ വര തന്നെ പഠിപ്പിക്കാനും പ്രേരിപ്പിക്കാൻ തുണച്ചതെന്ന് കെ എൽ ദേവസി എന്ന അധ്യാപകൻ പറഞ്ഞതായി സി രാധാകൃഷ്ണൻ അനുസ‌്മരിക്കുന്നുണ്ട്. മദിരാശിയിലെത്തുമ്പോഴാണ് ശീലിച്ച രീതികളെയും ശൈലികളെയും മാറ്റിപ്പണിയാൻ,  യഥാർഥ പ്രതിഭയെ പുറത്തെടുക്കാൻ പത്മിനിക്ക് സാധിക്കുന്നത്. വാൻഗോഗിന്റെയും പോൾ ഗോഗിന്റെയും മാർക്ക് ഷാഗാലിന്റെയും ചിത്രങ്ങളുടെ സ്വാധീനം, പോസ്റ്റ് ഇംപ്രഷണിസ്റ്റ് ചിത്രകലാശൈലിയോടുള്ള അതിപരിചയം, കെ സി എസ് പണിക്കർ പരിചയപ്പെടുത്തിയ ആധുനിക ചിത്രകലയോടുള്ള അമ്പരപ്പിക്കുന്ന മാനസികചേർച്ച. പത്മിനി വളർച്ചയിലേക്ക‌് കുതിക്കുന്നത് മദിരാശിക്കാലത്താണ്. 

രേഖകളിലെ ദൃഢതയാണ് പത്മിനിച്ചിത്രങ്ങളുടെ സവിശേഷതയെന്ന് എല്ലാവരും പറയും. അത് ഡ്രോയിങ്ങുകളിലും പെയിന്റിങ്ങുകളിലും ഒന്നുപോലെ കാണാം. രേഖകളുടെ കറുത്തനിറസ്വാധീനത്തിൽനിന്ന‌് ഏറെക്കുറെ കുതറുന്ന, അമൂർത്തചിത്രകലയുടെ ലയവിന്യാസത്തിലേക്ക് പാദംവയ‌്ക്കുന്ന ഒരു മുതിർച്ച പത്മിനിയിൽ കാണാമെങ്കിൽ അത് അവസാനമായി വരച്ച കടൽക്കരയിലെ പട്ടവുമായി കളിക്കുന്ന കുട്ടി എന്ന ചിത്രത്തിലായിരിക്കും. അതിൽ തീക്ഷ്ണവർണങ്ങളും അവയുടെ സുഖദമായ ലയനവുമുണ്ട്. മഞ്ഞയും ഓറഞ്ചും ചുവപ്പും നിറങ്ങൾ തീർത്ത ആകാശത്ത്, അസ‌്തമയരവിയുടെ സ്വച്ഛന്ദശാന്തിയിൽ മാനത്തേക്ക് പറക്കാൻ വെമ്പുന്ന പട്ടവുമായി നിൽക്കുന്ന കുട്ടി എന്ന ഇമേജിൽ പത്മിനി ഒളിപ്പിക്കാൻ ശ്രമിക്കുന്നതെന്താവും. എന്തെല്ലാം വ്യാഖ്യാനങ്ങൾ നൽകാൻ നമുക്ക് സാധിക്കുമെങ്കിലും അവ രേഖകളുടെ തടവറയിലകപ്പെട്ടുപോയ പത്മിനിയുടെ ആശയങ്ങളുടെ കുതറിമാറലാണെന്നു മനസ്സിലാക്കാം. ദുഃഖച്ഛായ കലർന്ന, തമോഭാവമാർന്ന വിഷയങ്ങളുടെ സ്വാധീനം എവിടെയോ നഷ്ടമാകുന്നതും പുതിയ ആശയതലങ്ങളിൽ അവ പ്രവൃത്തിപഥത്തിലെത്തുന്നതും അവസാനത്തെ ചിത്രത്തോടെയാണ്. പത്മിനിയുടെ അവസാനത്തെ ചിത്രം അവർ പിന്നീടും ജീവിച്ചിരുന്നുവെങ്കിൽ മറ്റൊരു ശൈലീകാലത്തിന്റെ ആരംഭമാകുമായിരുന്നു. ക്യാമ്പിലെത്തിയ പെൺവരക്കാർ നെടുവീർപ്പിട്ടു പിന്നെയും പിന്നെയും. കാലമേ മാറുന്നുള്ളൂ. ചിത്രകാരികളുടെ തടവറ പൊളിഞ്ഞിട്ടില്ല. കേരളം വരക്കാരികൾക്കായി മുതിർന്നിട്ടില്ല. അഞ്ച് പതിറ്റാണ്ട് മുമ്പ് നൂതന ചിത്രകലാപ്രവണതകളെ നോക്കി പതുങ്ങിനിന്ന കേരളത്തിനെ ധീരമായി നേരിട്ടാണ് തന്റെ കലാവിഷ‌്കാരങ്ങൾ പത്മിനി നിർവഹിച്ചത്. അതിലും കാണാം തെങ്ങുചാരിനിൽക്കുന്ന നാടൻ കന്യകയുടെ നെടുവീർപ്പുകൾ. അതേ നെടുവീർപ്പുകളാണ് പത്മിനിയെ കൂടുതലറിയുമ്പോൾ പുതുകാലവരക്കാരികളും പുറത്തെടുക്കുന്നത്. തടവറയുടെ അദൃശ്യമതിലുകളെ പക്ഷേ പത്മിനി വരച്ച് പൊളിച്ചുകളഞ്ഞു. (അടിവയറ് അമർത്തി നിലത്തുകിടക്കുന്ന സ‌്ത്രീ ഒതുക്കിപ്പിടിക്കുന്നതെന്തോ അത് നിലാവ് നോക്കി മുലകളുയർത്തി നിൽക്കുന്ന സ‌്ത്രീ പൊളിച്ചുകളയുന്നുണ്ട്. അങ്ങനെ പൊളിക്കാനുള്ളതോ സ‌്ത്രീയെ വെളിപ്പെടുത്താനുള്ളതോ ആയ ധൈര്യം പത്മിനി കാണിച്ചത് തികച്ചും യാഥാസ്ഥിതികമായ കേരളീയമണ്ണിൽ നിന്നായിരുന്നുവെന്ന്  നാം ഓർക്കണം.) 

ടി കെ പത്മിനിയുടെ അമ്മാവന്‍ ടി കെ ദിവാകരമേനോനൊപ്പം പത്മിനി സിനിമ ചിത്രീകരണ വേളയിൽ സുസ്‌മേഷ് ചന്ത്രോത്ത്

അഞ്ച് പതിറ്റാണ്ടിനുള്ളിൽ ടി കെ ദിവാകരമേനോൻ കഴിഞ്ഞാൽ തൊഴുക്കാട്ട് കാടഞ്ചേരി തറവാട്ടിൽ പത്മിനിയെ ഓർമിക്കാനും ഓർമിപ്പിക്കാനുമായി ഒരാളുണ്ടായത് ടി കെ ഗോപാലനാണ്. അദ്ദേഹത്തിന്റെ അമ്മയുടെ അനുജത്തിയാണ് പത്മിനി. അദ്ദേഹമുള്ളതുകൊണ്ട് കെ പി രമേഷ് എഴുതിയ ‘ടി കെ പത്മിനി: കലയും കാലവും' എന്ന പുസ‌്തകമുണ്ടായി. www.tkpadminipainter.org  എന്ന വെബ്സൈറ്റുണ്ടായി. വർഷാവർഷം ടി കെ പത്മിനി പുരസ‌്കാരം  നൽകണം എന്ന ആശയവും നിർബന്ധവുമുണ്ടായി. എനിക്ക് സംവിധാനം ചെയ്യാൻ അവസരം കിട്ടിയ ‘പത്മിനി' എന്ന സിനിമയുണ്ടായി. മൂന്ന് വർഷംമുമ്പ് കൊൽക്കത്തയിൽ വച്ച് കാണുമ്പോൾ ഗോപാലേട്ടൻ പറഞ്ഞത് ഇങ്ങനെയാണ്. 

‘‘ചെറിയമ്മ, മരണപ്പെട്ടിട്ട് നാളുകളായി. അമ്മാമ (ദിവാകരമേനോൻ) ആരോഗ്യത്തോടെ ജീവിച്ച കാലത്ത് ചെയ്യാവുന്നതെല്ലാം പത്മിനിക്കുവേണ്ടി ചെയ‌്തു. ഇപ്പോൾ അമ്മാമയുടെ ഓർമ മങ്ങിത്തുടങ്ങി. അമ്മാമയെ കണ്ട് അന്നത്തെ ഓർമകളെല്ലാം റെക്കോഡ് ചെയ്ത് അതൊരു ഡിജിറ്റൽ ഡോക്യുമെന്റേഷനാക്കണം.'' 

കെ പി രമേഷിനോട് പുസ‌്തകമെഴുതാൻ പറഞ്ഞതുപോലെ മറ്റൊരു മാധ്യമത്തിൽ എന്നോടും പത്മിനിയുടെ ജീവിതത്തെയും കാലത്തെയും പകർത്തിയെടുക്കാൻ പറയുകയായിരുന്നു അദ്ദേഹം. അതിനെ ഒരു ജീവചരിത്രസിനിമയുടെ വലുപ്പത്തിലേക്ക് വളർത്തുകയാണ് പിന്നീട് ഞാൻ ചെയ‌്തത‌്. ടി കെ പത്മിനി സ്മാരക ട്രസ്റ്റിന് സിനിമ നിർമിക്കാനുള്ള സാമ്പത്തികശക്തിയൊന്നുമുണ്ടായിരുന്നില്ല. ബജറ്റ് കുറവായതിനാൽ ഒന്നുകിൽ സിനിമ ചെയ്യാതിരിക്കാം. അല്ലെങ്കിൽ പരിമിതികളോടെയും പോരായ്മകളോടെയും ചെയ്തുവയ്ക്കാം. മരിച്ച് അമ്പത് വർഷമാകാറായിട്ടും വാൾട്ടർ ഡിക്രൂസ് സംവിധാനം ചെയ്ത ഒരു ഡോക്യുമെന്ററിയല്ലാതെ മറ്റൊന്നുമില്ല. അത്തരം സാഹചര്യത്തിൽ കുറവുകളോടെയാണെങ്കിലും ഒരു സിനിമതന്നെ ചെയ്യാമെന്നാണ് ഞാനും സഹപ്രവർത്തകരും തീരുമാനിച്ചത്. ഇപ്പോൾ, ഈ സിനിമയെ വിപുലീകരിക്കണമെന്ന് ഞങ്ങൾക്കാഗ്രഹമുണ്ട്. പത്മിനിയുടെ കലാജീവിതത്തിനും മദിരാശിക്കാലത്തിനും പ്രാധാന്യം നൽകി ഒന്നൂടി നന്നാക്കിയെടുക്കണം. പക്ഷേ, നായികാപ്രാധാന്യമുള്ള സിനിമയ‌്ക്കുനേരെ കണ്ണടയക്കുകയാണ‌് പുരുഷാധിപത്യം ഉറച്ചുനിൽക്കുന്ന മുഖ്യധാരാസിനിമ. എങ്കിലും അതിനുള്ള മോഹം മനസ്സിലുണ്ട്. പണം മുടക്കാൻ തയ്യാറുള്ള ആരെങ്കിലും വരുമെങ്കിൽ അത് സംഭവിക്കും. 

കഴിഞ്ഞ ശനിയാഴ്ച, അതായത് പത്മിനി ജീവിച്ചിരുന്നെങ്കിൽ 79 വയസ്സ് തികയുമായിരുന്ന മെയ് പതിനൊന്നിന‌് രാവിലെ എടപ്പാളിലെ ഗോവിന്ദ സിനിമാസിൽ വച്ച് പത്മിനിയുടെ രണ്ടാം പ്രദർശനം നടന്നു. (ആദ്യപ്രദർശനം 21. 10. 2018 ൽ ഇതേ തിയറ്ററിൽ തന്നെയായിരുന്നു)  ശേഷം പത്മിനിയെ സംസ്കരിച്ച തറവാട്ടുവളപ്പിലും ചിത്രകാരികളോടൊപ്പം പോയി. എത്രയോ തവണ ഞാനിവിടെ വന്നിരിക്കുന്നു. ചലച്ചിത്രനിർമാണവുമായി ബന്ധപ്പെട്ട വർഷങ്ങളിലൂടെ ഗോപാലേട്ടന്റെയും ഉത്തമേട്ടന്റെയും വീട് സ്വന്തം വീട് പോലെയായിരിക്കുന്നു. പത്മിനി മൂകമായി സ്വയം സമർപ്പിച്ച് ധ്യാനിച്ചിരുന്ന തറവാട്ട് കുളത്തിലും ഇടതൂർന്ന് മരങ്ങൾ നിൽക്കുന്ന കാവിലും ക്ഷേത്രവിളക്കുകൾക്കരികിലും ഒടുക്കം കല്ലറയിലും നിൽക്കുമ്പോൾ ഞാനൊന്നേ ഓർക്കാറുള്ളൂ. 

മരണത്തിലേക്ക് വീഴുകയാണെന്ന് സ്വയം ബോധ്യംവന്ന ആ അന്ത്യനിമിഷങ്ങളിൽ തന്റെ അസാധാരണമായ പ്രതിഭയുടെ നഷ്ടം ലോകത്തിനു സമ്മാനിക്കാനിടയുള്ള ദുഃഖത്തെക്കുറിച്ച് ഒരിക്കലെങ്കിലും പത്മിനി ചിന്തിച്ചിട്ടുണ്ടാകില്ലേ.. ഉണ്ടെങ്കിൽ എത്ര വേദനിച്ചിട്ടുണ്ടാകും ആ മനസ്സ്.

 https://kutt.it/KandancheeriPadmini

https://kutt.it/KandancheeriPadmini

https://kutt.it/KandancheeriPadmini

കൂവക്കൃഷി ചെയ്യുന്നതെങ്ങനെ?

manoramaonline.com/karshakasree/crop-info/2019/05/06/arrowroot-cultivation-019.html

• പെട്ടെന്ന് ദഹിക്കുമെന്നതിനാല്‍ കുഞ്ഞുങ്ങൾക്കും നൽകാവുന്ന ആഹാരമാണിത്

കൂവയുടെ ഇംഗ്ലീഷ് പേരാണ് ആരോറൂട്ട്. ഇതിന്റെ കിഴങ്ങാണ് ഉപയോഗയോഗ്യമായ ഭാഗം. ഇതു സംസ്കരിച്ചെടുക്കുന്ന നൂറ് അഥവാ പൊടി തീരെ സൂക്ഷ്മമായ തരികളോടെയുളളതാണ്. പെട്ടെന്ന് ദഹിക്കുമെന്നതിനാല്‍ കുഞ്ഞുങ്ങൾക്കും നൽകാവുന്ന ആഹാരമാണിത്. ചുരുക്കത്തിൽ ഒൗഷധഗുണമുളള  ഒരു ഭക്ഷ്യയോഗ്യമായ കിഴങ്ങുവിളയാണ് കൂവ.

കൂവയുടെ നടീൽവസ്തു അതിന്റെ കിഴങ്ങാണ്. രോഗവിമുക്തമായതും ആരോഗ്യത്തോടെ വളരുന്നതുമായ സ്ഥലത്തുനിന്നും വിത്തിനായി കിഴങ്ങുകൾ ശേഖരിക്കുക. മുളയ്ക്കാന്‍ ശേഷിയുളള ഒരു മുകുളം ഒാരോ കഷണം നടീൽവസ്തുവിലുമുണ്ടാകണം. കിളച്ചൊരുക്കിയ സ്ഥലത്ത് 5x30 സെ.മീ അകലത്തിൽ ചെറു കുഴികളെടുത്ത് നടീൽവസ്തു മുകുളം മുകളിലേക്കായി നടുക. ഇതു മറയത്തക്കവിധം ചാണകപ്പൊടി ഇട്ട് കരിയില അല്ലെങ്കിൽ വൈക്കോൽ കൊണ്ട് പുതയിടണം. കളയെടുപ്പ് രണ്ടോ മൂന്നോ തവണ വേണ്ടിവരും. ഇതോടൊപ്പം മണ്ണെടുപ്പിക്കുകയും വേണം.

രാസവളശുപാർശ എൻപികെ വളങ്ങൾ ഹെക്ടറിനു യഥാക്രമം 50:25:75 കി.ഗ്രാം

നട്ട് ഏഴു മാസമാകുന്നതോടെ വിളവെടുക്കാം. ഇലകള്‍ കരിഞ്ഞ് അമരുന്നതാണ് വിളവെത്തിയതിന്റെ ലക്ഷണം. കിഴങ്ങുകൾ മുറിയാതെ താഴ്ത്തി കിളച്ചെടുക്കുക. വേരും തണ്ടും വെടിപ്പാക്കി കിഴങ്ങുകൾ ഉണക്കി സൂക്ഷിക്കാം. ഒരു ഹെക്ടറില്‍ നിന്ന് 47 ടൺ വരെ വിളവു ലഭിക്കാം. ഇതിൽ നിന്നു പ്രതീക്ഷിക്കാവുന്ന കൂവപ്പൊടി ഏഴു ടണ്ണും.

X

ചകിരിച്ചോർ കമ്പോസ്റ്റ് തയാറാക്കാം

manoramaonline.com/karshakasree/crop-info/2019/05/10/coco-peat.html

• ചെടികളുടെ വേരുപടലത്തിന്റെ വളർച്ചയ്ക്കു വേഗം കൂടുന്നു

ഒരു കിലോ ചകിരിനാര് വേർതിരിച്ചെടുക്കാൻ രണ്ടുകിലോ ചകിരിച്ചോർ ഉപോൽപന്നമായി ലഭിക്കുന്നു. ഒരു ടൺ ചകിരിച്ചോർ കമ്പോസ്റ്റാക്കി മാറ്റുന്നതിന് പിത്ത്പ്ലസ് രണ്ടുകിലോയും യൂറിയ അ​ഞ്ചുകിലോയും ആവശ്യമാണ്. പുറമെ 5 മീറ്റര്‍ 3 മീറ്റർ വലുപ്പത്തിൽ സ്ഥലവും. നിത്യേന ഉദ്ദേശം 500 ലിറ്റര്‍ വെള്ളവും വേണ്ടിവരും.

നിർമാണരീതി – 5x3 മീറ്റർ സ്ഥലത്ത് ആദ്യം 100 കിലോ ചകിരിച്ചോർ നിരത്തുക. ഇതിനുമേൽ ഒരു പായ്ക്കറ്റ് പിത്ത്പ്ലസ് ഒരേപോലെ വിതറുക. വീണ്ടും 100 കിലോ ചകിരിച്ചോർ നിരത്തുക. ഇതിനു മേൽ ഒരു കിലോ യൂറിയ വിതറണം. വീണ്ടും ചകിരിച്ചോർ പിന്നെ പിത്ത്പ്ലസ്, ചകിരിച്ചോർ, യൂറിയ ഈ ക്രമത്തിൽ ഒരു മീറ്റർ ഉയരം ആകുന്നിടം വരെ നിരത്തുകയും തുടർന്ന് നിത്യേന 500 ലിറ്റർ വെള്ളം തളിച്ചുകൊണ്ടിരിക്കുകയും വേണം. മുപ്പതു ദിവസമാകുന്നതോടെ കമ്പോസ്റ്റ് ഉപയോഗിക്കാൻ തക്കവണ്ണം പാകപ്പെട്ടുകിട്ടും.

ഉപയോഗങ്ങൾ – മണ്ണിന്റെ ഭൗതികഗുണം മെച്ചപ്പെടുന്നു. മണ്ണിലെ ഈർപ്പനില ഉയരുന്നു. ചെടികളുടെ വേരുപടലത്തിന്റെ വളർച്ചയ്ക്കു വേഗം കൂടുന്നു. സസ്യമൂലക ആഗീരണശേഷി കൂടുന്നു. വിളവിന്റെ അളവും ഗുണവും വർധിക്കുന്നു. പ്രധാനവിളകള്‍ക്കു ചകിരിച്ചോർ കമ്പോസ്റ്റ് ശുപാർശ ചെയ്തിട്ടുളളതിന്റെ അളവ്. ഒാരോന്നും ഒരു ചുവടിന്/ ഏക്കറിന് വേണ്ട അളവിൽ

വിളയുടെ പേര്              ചകിരിച്ചോർ കമ്പോസ്റ്റിന്റെ അളവ്

തെങ്ങ്                 – 50 കിലോ

കമുക് – 12 കിലോ

കശുമാവ് – 50 കിലോ

നെല്ല് – 4 ടൺ ഏക്കറിന്

മാവ് – 50 കിലോ

ഏത്തവാഴ – 15 കിലോ

കരിമ്പ് – 8 ടൺ ഏക്കറിന്

പൈനാപ്പിൾ – 18 ടൺ ഏക്കറിന്

ഏലം – 10 കിലോ

കൊക്കോ – 12 കിലോ

കുരുമുളക് – 10 കിലോ

X

Registration Department - Govt. of Kerala / ആധാരം സ്വയം എഴുതി റജിസ്റ്റർ ചെയ്യാൻ സർക്കാർ അനുമതി നൽകി എട്ട് മാസം ആയി

Registration Department - Govt. of Kerala

keralaregistration.gov.in

വസ്തു വിൽക്കുന്നവർ വാങ്ങുന്നവർ അറിയുക.നിങ്ങൾ നഷ്ടപ്പെടുത്തുന്നത് ലക്ഷങ്ങൾ ആണ് ആധാരമെഴുത്ത് സുഹൃത്തുക്കളേ എന്നോട് സദയം ക്ഷമിക്കുമല്ലോ…? ഇത്ര നല്ല ഒരു കാര്യം അറിഞ്ഞിട്ട് അത് മറ്റുള്ളവര്‍ക്ക് പകര്‍ന്ന് കൊടുത്തില്ലേല്‍ തെറ്റല്ലേ ആര്‍ക്കെങ്കിലും ഉപകരിക്കട്ടേ.ആധാരം സ്വയം എഴുതി റജിസ്റ്റർ ചെയ്യാൻ സർക്കാർ അനുമതി നൽകി എട്ട് മാസം ആയിട്ടും ഇത് വരെയായി കേരളത്തിൽ ആകെ 200 പേർ മാത്രമേ ഈ സൗകര്യം ഉപയോഗിച്ചിട്ടുള്ളൂ എന്ന വസ്തുത പുതിയതിനെ സ്വീകരിക്കാൻ ആളുകൾക്കുള്ള മടിയും യാഥാസ്ഥികമനോഭാവവും ആണു കാണിക്കുന്നത്. ആധാരം സ്വയം എഴുതുക എന്ന് വെച്ചാൽ പരമ്പാരഗത ആധാരമെഴുത്തുകാരെ പോലെ പരത്തി എഴുതുകയൊന്നും വേണ്ട. കേരള റജിസ്ട്രേഷൻ വകുപ്പിന്റെ സൈറ്റിൽ 19 തരം ആധാരങ്ങളുടെ കോപ്പിയുണ്ട്. അത് പി.ഡി.എഫ്.ആയി ഡൗൺലോഡ് ചെയ്ത് പ്രിന്റ് എടുത്ത് പ്രസക്തഭാഗങ്ങൾ പൂരിപ്പിക്കുക മാത്രമേ വേണ്ടൂ. അതുമായി റജിസ്ട്രാഫീസിൽ പോയി ആധാരം റജിസ്റ്റർ ചെയ്യാം. പുരിപ്പിക്കാൻ അറിയില്ലെങ്കിൽ നാട്ടിൽ അറിയുന്ന ആരെക്കൊണ്ടെങ്കിലും പൂരിപ്പിച്ചാൽ മതി. ആധാരമെഴുത്തുകാർ തന്നെ വേണമെന്നില്ല. ആധാരമെഴുത്തുകാരെ കൊണ്ട് പൂരിപ്പിക്കുകയാണെങ്കിൽ തന്നെ പൂരിപ്പിക്കുന്നതിനുള്ള ഒരു ചെറിയ പ്രതിഫലം കൊടുത്താൽ മതി. പഴയത് പോലെ ആധാരത്തിൽ കാണിക്കുന്ന വിലയുടെ ശതമാനക്കണക്കിൽ പതിനായിരങ്ങൾ കൊടുക്കേണ്ടതില്ല. ഒരു ഫോം പൂരിപ്പിക്കാൻ എത്ര കൊടുക്കാമോ അത്രയേ വേണ്ടൂ. ആധാരമെഴുത്ത് എന്നത് ഒരു ഫോം പൂരിപ്പിക്കലായി ലഘൂകരിക്കപ്പെട്ടിരിക്കുന്നു എന്ന വസ്തുത കേരള സമൂഹം ഇനിയും മനസ്സിലാക്കിയിട്ടില്ല എന്നത് ലജ്ജാകരമാണ്. ആളുകൾ കാലത്തിനൊപ്പം അപ്‌ഡേറ്റ് ആകാത്തത് നിരാശാജനകമാണ്. ആധാരമെഴുത്തുകാരൻ ആർക്കും മനസ്സിലാകാത്ത തരത്തിൽ നീട്ടി വളച്ചു എഴുതുന്നതിനേക്കാളും ആധികാരികമായ എഴുത്ത് സർക്കാരിന്റെ റജിസ്ട്രേഷൻ വകുപ്പിന്റെ സൈറ്റിൽ ഉള്ള ഫോം പൂരിപ്പിക്കുന്നതാണ്. എന്തിനാണു വെറുതെ ആധാരക്കൊള്ളയ്ക്ക് അരു നിൽക്കുന്നത്. ആധാരത്തിന്റെ ഫോം പൂരിപ്പിച്ചു കൊടുക്കുന്നതിനുള്ള ഒരു ന്യായമായ പ്രതിഫലം കൈപ്പറ്റിക്കൊണ്ട് പൂരിപ്പിച്ചുകൊടുക്കാനും ആധാരമെഴുത്തുകാരൻ എന്ന രാജകീയപ്രതാപം അട്ടത്ത് വയ്ക്കാനും ബന്ധപ്പെട്ട എഴുത്തുകാർ തയ്യാറാകണം. എല്ലാ രംഗത്തും കമ്പ്യൂട്ടറൈസെഷൻ എന്നത് കാലത്തിന്റെ അനിവാര്യതയാണു. ആർക്കും തൊഴിലോ പ്രതിഫലമോ ഇത് മൂലം നഷ്ടമാകുന്നില്ല. കൊള്ളയും അഴിമതിയും ക്രമേണ ഇല്ലാതാകും എന്നേയുള്ളൂ. ശരിക്ക് പറഞ്ഞാൽ ആധാരം എഴുതാൻ എഴുത്തുകൂലി മാത്രം വാങ്ങിയാൽ മതിയായിരുന്നു. എഴുത്ത് എന്ന ഒരു അധ്വാനം മാത്രമല്ലേ അവർ ചെയ്യുന്നുള്ളൂ. അതിനാണു പതിനായിരങ്ങളും ലക്ഷവും എഴുത്ത് കൂലി വാങ്ങിക്കൊണ്ടിരുന്നത്. ഇത് ജനങ്ങളുടെ അജ്ഞത മുതലെടുത്ത് നടത്തുന്ന ആധാരക്കൊള്ളയാണ്. ആധാരങ്ങളുടെ മാതൃകാകോപ്പികൾ ഡൗൺലോഡ് ചെയ്ത് പ്രിന്റ് എടുക്കാനുള്ള ലിങ്ക് താഴെ കൊടുക്കുന്നു. ഈ പോസ്റ്റ് ഷെയർ ചെയ്ത് ജനങ്ങളെ ബോധവൽക്കരിക്കാൻ സുഹൃത്തുക്കളോട് അഭ്യർത്ഥിക്കുന്നു. ലിങ്കിൽ ക്ലിക്ക് ചെയ്താൽ തുറക്കുന്ന വെബ്‌പേജിൽ Download Model Documents എന്ന ലിങ്ക് ക്ലിക്ക് ചെയ്താൽ 19 ഫോമുകളുടെ ലിങ്ക് കാണാം. ആവശ്യമായതിന്റെ പ്രിന്റ് എടുത്താൽ മതി. http://keralaregistration.gov.in/pearlpublic/index.php

കൃഷിയുടെ മധുരം

manoramaonline.com/karshakasree/features/2019/05/03/kozhikode-williams-mathew-farmer.html

പഴങ്ങളുടെ വിസ്മയ ലോകമാണ് ഓമശ്ശേരി വേനപ്പാറ കാപ്പാട്ടുമല വില്യംസ് മാത്യുവിന്റെ കൃഷിത്തോട്ടം. ഇൻഫാം വെസ്റ്റേൺ ഘട്ട് ട്രോപ്പിക്കൽ ഗാർഡൻ എന്ന പേരിൽ അറിയപ്പെടുന്ന  കൃഷിത്തോട്ടത്തിൽ വിദേശി- സ്വദേശി ഇനവും ഫോറസ്റ്റ്  പഴവർഗ്ഗങ്ങളുമായി 450 ഇനം ചെടികളാണ് ഉള്ളത്. ഏറ്റവും മികച്ച ഇനം പഴച്ചെടികൾ  പല രാജ്യങ്ങളിൽനിന്നും ശേഖരിച്ചു കൊണ്ടുവന്ന് നട്ടുപിടിപ്പിച്ച് ഇവിടെ  ഒരു വിസ്മയ ജൈവ വൈവിധ്യം തീർത്തിരിക്കുകയാണ്.

വില്യംസിന്റെ ഫ്രൂട്ട് ഗാർഡനിൽ പ്രധാനമായും ബ്രസീൽ, ഇൻഡോനേഷ്യ, തായ്‌ലൻഡ്, ബോർഡോ, ആമസോൺ എന്നിവിടങ്ങളിൽ നിന്നുള്ള പഴച്ചെടികളാണുള്ളത്.  അമേരിക്കൻ പ്ലാന്റ്  കൊക്കോണില്ല, തിരങ്കാന ചെറി (പെരുപോക്ക്), മിക്കിമൗസ്, വിവിധ കളറുകളിലുള്ള വാക്സ് ആപ്പിൾ, മൗണ്ടെയിൻ സോർ സോപ്പ്, റോലീനിയ, 19 ഇനം അത്തിപ്പഴം, 28 ഇനം നാരകം, ഹിമാലയൻ ഫ്രൂട്ട്, വിവിധയിനം മൾബറിച്ചെടികൾ, സലാക്ക് ഫ്രൂട്ട്, ചുവപ്പും മഞ്ഞയും നിറങ്ങളുള്ള ചക്ക കായ്ക്കുന്ന  പ്ലാവുകൾ.  

വിവിധയിനം മാവുകൾ,  വനങ്ങളിൽ വളരുന്ന ഓടപ്പഴം, മൂട്ടിപ്പഴം, ഞാറപ്പഴം, കാരപ്പഴം എന്നിവയും കൃഷിത്തോട്ടത്തിലുണ്ട്. വിവിധ നിറങ്ങളിലുള്ള എട്ട് ഇനം ഫാഷൻഫ്രൂട്ടും ഇവിടെയുണ്ട്. അരിയാഹാരം കൂടുതലായി കഴിക്കുന്ന കേരളത്തിലെ ജനങ്ങൾക്ക് പഴങ്ങൾ ശീലമാക്കിയുള്ള ഒരു പുതിയ ഭക്ഷ്യ സംസ്കാരമാണ് വില്യംസ് മാത്യുവിന്റെ ലക്ഷ്യം. കേരളത്തിന്റെ പശ്ചിമഘട്ട പ്രദേശങ്ങൾ ഇത്തരം  പഴവർഗ്ഗ ചെടികൾ സമൃദ്ധമായി വളരുന്നതിന് അനുയോജ്യമാണന്ന് വില്യംസ് മാത്യു പറഞ്ഞു.

വില്യംസ് മാത്യുവിന്റെ കൃഷിത്തോട്ടത്തിൽ കായ്ച്ചുനിൽക്കുന്ന വാക്സ് ആപ്പിൾ

ഗൾഫിൽ ഐടി മേഖലയിൽ ലക്ഷങ്ങൾ ശമ്പളമുള്ള ജോലി ഉപേക്ഷിച്ചാണ് വില്യംസ് മാത്യുവും ഭാര്യ സീനയും നാട്ടിലെ കനകം വിളയുന്ന  മണ്ണ് തേടി വന്നത്. ഇപ്പോൾ നാല് ഏക്കർ സ്ഥലത്താണ് 450 ഇനം പഴവർഗ്ഗ ച‌െടികൾ നട്ടുപിടിപ്പിച്ച്  നാടിന് മാതൃകയാകുന്നത്. വേനപ്പാറ കാപ്പാട്ടുമലയിലെ ഫ്രൂട്ട് ഗാർഡനിൽ എത്തുന്നവർക്ക്  വിദേശയിനം പഴവർഗ്ഗച്ചെടികളെ പരിചയപ്പെടുത്തുന്നതിനു പുറമെ ഇവകളുടെ കൃഷി രീതകൾ പഠിപ്പിക്കുന്നതിനും വില്യംസ് മാത്യു സമയം കണ്ടെത്തുന്നു.
പഴച്ചെടികൾ ആവശ്യക്കാർക്ക് നൽകുകയും ചെയ്യുന്നു. പഴച്ചെടികളിൽ നിന്നുമുള്ള തേൻ ശേഖരണത്തിനായി തേനീച്ചകളെ  വളർത്തി തേൻ ഉൽപാദിപ്പിന്നു. ഫ്രൂട്ട് ഫാമിനോട് ചേർന്ന് മൽസ്യക്കൃഷിയും ഉണ്ട്. ഐടി വിദഗ്ധനായ വില്യംസ് മാത്യു ദുബായ് ഇന്റർനെറ്റ് സിറ്റി, ഹയർ കോളജ് ഓഫ് ടെക്നോളജി യുഎഇ എന്നിവിടങ്ങളിലുണ്ടായിരുന്ന ജോലി ഉപേക്ഷിച്ചാണ് പഴച്ചെടികളുടെ കൂട്ടുകാരനായി മാറിയത്. കേരളത്തിൽ പഴങ്ങളുടെ പ്രചാരണത്തിനായി ഫ്രൂട്ട്സ് ആൻഡ് ഫ്ലവേഴ്സ് എന്ന വാട്സപ്പ് ഗ്രൂപ്പ് വഴി കേരളത്തെ രാജ്യത്തിന്റെ പ്രധാന പഴവർഗ്ഗങ്ങളുടെ ഉൽപാദന വിപണ കേന്ദ്രമാക്കാനുള്ള തീവ്ര ശ്രമത്തിലാണ് വില്യംസ് മാത്യുവും സുഹൃത്തുക്കളും.
ഇൻഫാം വെസ്റ്റേൺ ഘട്ട് ട്രോപ്പിക്കൽ ഗാർഡൻ എന്ന പഴം സ്നേഹികളുടെ ഫേസ്ബുക്ക് കൂട്ടായ്മയും സജീവമാണ്. പശ്ചിമഘട്ട മലയോരങ്ങളിൽ ഫാം ടൂറിസത്തിന്റെ സാദ്ധ്യതയും തായ്‌‌ലൻഡ്, മലേഷ്യ എന്നിവടങ്ങളിൽ വിജയകരമായി നടപ്പാക്കിയിട്ടള്ള ഫ്രൂട്ട് ടൂറിസം മോഡൽ ടൂറിസം വികസനം കേരളത്തിലും പ്രവർത്തികമാക്കാനുള്ള മുന്നൊരുക്കത്തിലാണ് വില്യംസ് മാത്യുവും കുടുംബവും. 
ഈ വർഷത്തെ ഫാ.സെബ്സ്റ്റ്യൻ കാഞ്ഞിരക്കാട്ടുകുന്നേൽ മെമ്മോറിയൽ കർഷക അവാർഡും 2018-ലെ കേരള അഗ്രികൾച്ചറൽ യൂണിവേഴ്സിറ്റി പൂപ്പൊലി ആവാർഡും ഹരിത വിദ്യ അവാർഡും പഴങ്ങളുടെ കൂട്ടുകാരനായ വില്യംസ് മാത്യുവിന് ലഭിച്ചു. വില്യംസ് മാത്യുവിന്റെ പഴവർഗ്ഗ ചെടികളുടെ കൃഷികൾക്ക് ഭാര്യ സീനയും മക്കളായ ജോയൽ, ജോഷ്വ എന്നിവരും സഹായത്തിനൊപ്പമുണ്ട്. ഫോൺ: 8281400600.

SupportAboutPrivacyTerms

ഫ്ലാറ്റിലും തെങ്ങ് നടാം, നല്ല കുള്ളൻ ബോൺസായ് തെങ്ങ്

manoramaonline.com/karshakasree/features/2019/05/04/coconut-tree-bonsai.html

മുളച്ച് പാഴായിപ്പോയ തേങ്ങയ്ക്ക് എന്തുപയോഗം? ഉപയോഗമുണ്ട്. തേങ്ങയുടെ എത്രയോ ഇരട്ടി വില കിട്ടുന്ന ബോൺസായ് തെങ്ങായി ഇതിനെ രൂപാന്തരപ്പെടുത്താന്‍ കഴിയും. എന്താ ഒരു െകെ നോക്കുന്നോ? ഉദ്യാനത്തിൽ ചെന്തെങ്ങും മലയൻയെല്ലോയുമെല്ലാം അലങ്കാരയിനങ്ങളായി നട്ടുവളർത്താറുണ്ട്. എന്നാൽ വീട്ടുവരാന്തയിൽ ഒന്ന്–ഒന്നര അടി ഉയരത്തിൽ കുള്ളൻ പ്രകൃതത്തിൽ, അലങ്കാരപ്പാത്രത്തിൽ വളരുന്ന തെങ്ങിന് പ്രത്യേക അഴകാണ്. ഫ്ലാറ്റിൽ താമസിക്കുന്നവർക്കും തെങ്ങ് നടാൻ സ്ഥലസൗകര്യമില്ലാത്ത മറ്റു നഗരവാസികൾക്കും ബോൺസായ് തെങ്ങ്, നാട്ടിൻപുറത്തിന്റെ നല്ല ഓർമകൾ ഉണർത്താൻ ഉപകരിക്കും. വരാന്തയും ബാൽക്കണിയും നല്ല വെളിച്ചം കിട്ടുന്ന മുറികളുമെല്ലാം ബോൺ സായ് തെങ്ങിന് യോജിച്ച ഇടങ്ങളാണ്.

തയാറാക്കുന്ന വിധം: ഏതിനം തെങ്ങിന്റെയും, അത്ര വലുപ്പമില്ലാത്ത തേങ്ങ ബോൺസായ് തയാറാക്കാൻ തിരഞ്ഞെടുക്കാം. മുളപുറത്തേക്കുവന്ന തേങ്ങയാണ് ഏറ്റവും യോജിച്ചത്. തേങ്ങയുടെ തൊണ്ട് അല്ലെങ്കിൽ മടൽ ശ്രദ്ധയോടെ മുഴുവനായി നീക്കം ചെയ്യണം; ഇതിനൊപ്പം ചിരട്ടയെ പൊതിഞ്ഞിരിക്കുന്ന ചകിരിനാരുകളും. തൊണ്ട് നീക്കം ചെയ്യുമ്പോൾ മുളയ്ക്ക് പരുക്കേൽക്കാതെനോക്കണം. സാൻഡ് പേപ്പർ ഉപയോഗിച്ച് ചിരട്ട നന്നായി മിനുക്കിയെടുക്കണം. ഇതിനുശേഷം ലാക്കർ പോളീഷ് ചെയ്ത് ചിരട്ടയ്ക്ക് കൂടുതൽ ഭംഗി നൽകാം.

ഇനി മുളപ്പിന്റെ ചുവട്ടിൽനിന്നു വേരുകൾ മുളപ്പിക്കാന്‍ ശ്രമം തുടങ്ങാം. ഇതിനായി പാത്രത്തിൽ നിറച്ച വെള്ളത്തിൽ ചിരട്ട മുക്കാലോളം മുങ്ങുന്നവിധം തേങ്ങ ഇറക്കിവയ്ക്കണം. തൊണ്ട് നീക്കംചെയ്ത തേങ്ങയുടെ മുളപ്പ് ഇൗർപ്പം നഷ്ട‌പ്പെട്ട് ഉണങ്ങുന്നത് ഒഴിവാക്കാനാണിത്. ഒന്നു രണ്ട് മാസത്തിനുള്ളിൽ മുളപ്പിനു ചുവട്ടിൽനിന്നു വേരുകൾ ഉണ്ടായിവരും. വേരുകൾ വളർന്നുവന്ന െതങ്ങിൻതൈ പാത്രത്തിൽ നിറച്ച മിശ്രിതത്തിലേക്ക് മാറ്റിനടാം. 3–4 ഇഞ്ച് എങ്കിലും ആഴമുള്ള ആകർഷകമായ പാത്രമാണ് ഇതിനായി തിരഞ്ഞെടുക്കേണ്ടത്. നടീല്‍മിശ്രിതമായി ചകിരിച്ചോറിൽ അൽപം ചുവന്ന മണ്ണും വളമായി മണ്ണിര കംപോസ്റ്റും ചേർത്താൽ മതി. നടുന്നതിനു മുൻപായി വിടർന്നു വരുന്ന ഇലകളുടെ ചുവട്ടിൽ പൊതിഞ്ഞിരിക്കുന്ന വലപോലു ള്ള പൊറ്റ, മൂർച്ചയുള്ള ബ്ലേഡ് ഉപയോഗിച്ച് മുറിച്ചുനീക്കണം. ഇലകൾ വേഗത്തിൽ വിടരാൻ ഇത് ഉപകരിക്കും. പൊറ്റ നീക്കം ചെയ്യുമ്പോൾ തണ്ടിനു മുറിവുണ്ടാകാതെ നോക്കണം. ചിരട്ട മു ഴുവനായി കാണുന്ന വിധത്തിൽ വേരുകൾ മാത്രമേ മിശ്രിതത്തിൽ ഇറക്കി ഉറപ്പിക്കാവൂ. പൊറ്റയോ വേരോ നീക്കം ചെയ്തശേഷം കുമിൾനാശിനി തളിച്ച് അണുബാധ ത‌ടയണം. നട്ടശേഷം മിശ്രിതം നനച്ചുകൊടുക്കാം. മിശ്രിതത്തിനു മുകളിൽ വെള്ളാരംകല്ലുകൾ നിരത്തി ഭംഗിയാക്കാം.

പാതി തണൽ കിട്ടുന്നിടത്ത് ബോൺസായ് തെങ്ങ് പരിപാലിക്കാം. മുറിക്കുള്ളിൽ വളർത്തുന്ന ചെടി രണ്ടാഴ്ചയിലൊരിക്കൽ പാതി വെയിൽ കിട്ടുന്നിടത്തുവച്ച് ഉൗർജം നൽകണം. മാസത്തിലൊരിക്കൽ ഒരില വീതമാണ് സാധാരണയായി വിരിഞ്ഞുവരിക. 3–4 ഇലകൾ നിലനിർത്തി താഴെയുള്ള ഇലകൾ ആവശ്യാനുസരണം നീക്കം ചെയ്യാം. മൂർച്ചയുള്ള ബ്ലേഡ് ഉപയോഗിച്ച് ഇല ചുവടുൾപ്പെടെ മുഴുവനായി മുറിച്ചുമാറ്റണം. ഇലകൾ നീക്കംചെയ്ത ചെടി കുമിൾനാശിനി തളിച്ചു സംരക്ഷിക്കണം. ഇലകൾ നീക്കം ചെയ്യുക വഴി ചെടിയുടെ തണ്ട് വ്യക്തമായി തെളിഞ്ഞുവരികയും പിന്നീട് ബോൺസായ് തെങ്ങിന്റെ പ്രകൃതം ആകുകയും െചയ്യും. കാലാവസ്ഥയനുസരിച്ച് നന നൽകാം. വേനൽക്കാലത്ത് ദിവസവും രാവിലെ മിശ്രിതം നനച്ചുകൊടുക്കാം. വേഗത്തിൽ വളരുന്ന വേരുകൾ ക്രമേണ ചട്ടി മുഴുവനായി നിറയും. 6 മാസത്തിലൊരിക്കൽ പഴയ മിശ്രിതം മാറ്റി പുതിയതിലേക്ക് മാറ്റി നടാം. ഇൗ സമയത്ത് വേരുകൾ മുറിച്ച് നീളം കുറയ്ക്കാം. 2 വർഷത്തിലൊരിക്കൽ അൽപം കൂടി വലുപ്പമുള്ള ചട്ടിയിലേക്ക് തെങ്ങ് മാറ്റിനടാം. കുള്ളൻ പ്രകൃതം നിലനിർത്താനും ഇലകളുടെ വലുപ്പം കുറയ്ക്കുവാനും മിശ്രിതം മാറ്റുമ്പോൾ വേരുകൾ മുറിച്ചു നീക്കം ചെയ്യുന്നതും വല്ലപ്പോഴും വളം നൽകുന്നതും ഉപകരിക്കും.

തെങ്ങിന്റെ വേരുകൾ മിശ്രിതത്തിൽ നന്നായി ഇറങ്ങി വളവും ജലവും വലിച്ചെടുക്കുന്നതിനു മുൻപ് പ്രാരംഭദശയിലുള്ള വളർച്ചയ്ക്കായി ചിരട്ടയ്ക്കുള്ളിലുള്ള പൊങ്ങാണ് പ്രയോജനപ്പെടുത്തുക. എന്നാൽ വേരുകൾക്ക് ആവശ്യത്തിന് വളർച്ചയാകുകയും പൊങ്ങ് മുഴുവനായി ഉപയോഗപ്പെടുത്തുകയും ചെയ്താൽ തെങ്ങിൻതൈയും ചിരട്ടയുമായി ബന്ധിപ്പിക്കുന്ന പൊക്കിൾക്കൊടിപോലുള്ള തണ്ട് ചുരുങ്ങും. പിന്നീട് ഇവ തമ്മിലുള്ള ബന്ധം വേർപെടാനും സാധ്യത യുണ്ട്. തെങ്ങിനൊപ്പം ചിരട്ടകൂടിയുള്ളപ്പോഴാണ് കൂടുതൽ ഭംഗി. തണ്ട് ചുരുങ്ങുന്നതായി കണ്ടാൽ ആ ഭാഗത്ത് പശ തേച്ച് ബന്ധം ബലപ്പെടുത്തണം. ചിരട്ടയുടെ പുറംഭാഗത്തെ പോളീഷ് മങ്ങുമ്പോൾ വീണ്ടും പോളീഷ് ചെയ്യാം. ആവശ്യ മെങ്കിൽ ആകർഷകമായ നിറം നൽകുകയും ആവാം. അവ സാനമായി ഒരു ചോദ്യം. ബോൺസായ് തെങ്ങിൽ തേങ്ങ ഉണ്ടാകുമോ? കാത്തിരുന്നു കാണാം.

സെബാസ്റ്റ്യന്റെ ശേഖരത്തിൽ തെങ്ങാണ് താരം

ബോൺസായ് ചെടികളുടെ പരിപാലനത്തില്‍ നാലു പതിറ്റാണ്ടു പരിചയമുണ്ട് എറണാകുളം കടവന്ത്ര പള്ളത്തുശേരി വീട്ടിൽ സെബാ സ്റ്റ്യന്. തെങ്ങ് ബോൺസായ് ആക്കി വളർത്തുന്നതിലും ഇദ്ദേഹം വിദഗ്ധന്‍. സുഹൃത്തിന്റെ തെങ്ങിൻതോട്ടത്തിൽനിന്ന് 5 വർഷങ്ങൾക്കു മുൻപ് ലഭിച്ച, മുളച്ച തേങ്ങയാണ് തെങ്ങ് ബോണ്‍സായ് ആക്കാന്‍ സെബാസ്റ്റ്യനു പ്രചോദനമായത്. പുറം രാജ്യങ്ങളിൽ ബോൺസായ് തെങ്ങുകൾ മുമ്പുതന്നെ പ്രചാരത്തിലുണ്ട്. നമ്മുടെ നാട്ടില്‍ ഇതി നോടു പ്രിയമേറിവരുന്നുവെന്നാണ് സെബാസ്റ്റ്യന്റെ അഭിപ്രായം.

പനവർഗത്തിൽപ്പെടുന്ന തെങ്ങ് ബോൺസായ് ആക്കാൻ മറ്റു ചെടികളെപ്പോലെ കമ്പുകോതി നിർത്തുന്നതും കമ്പി ഉപയോഗിച്ച് തണ്ടുകൾ ആവശ്യാനുസരണം വളച്ച് പ്രത്യേക ആകൃതിയിലാക്കുന്നതും പ്രാവർത്തികമല്ല. എങ്കിലും സെബാസ്റ്റ്യന്‍ തന്റെ കരവിരുതിൽ ബോൺസായ് തെങ്ങിന്റെ ഓലകൾ താഴേക്കു വളച്ച് ആകർഷകമാ ക്കുന്നു. കൂടാതെ, തെങ്ങിനെ പൊതിയുന്ന പൊറ്റ ആവശ്യാനുസരണം നീക്കം ചെയ്യുകവഴി ഓലകൾ വേഗത്തിൽ വിരിഞ്ഞ് കൂടുതൽ ആകർഷകമാകുന്നു. സെബാസ്റ്റ്യന്റെ ശേഖരത്തിലുള്ള എഴുപതോളം ബോൺസായ് തെങ്ങുകളില്‍ ഓരോന്നിനും സവിശേഷാകൃതിയാണ്. ആദ്യം നടത്തിയ പരീക്ഷണങ്ങളിൽ ചിലതു കത്തികൊണ്ടു മുറിവേറ്റ് കേടായി പ്പോയിരുന്നു. മറ്റു ചിലത് ഒന്നിൽ‌ കൂടുതൽ മുളകൾ ഉൽപാദിപ്പിച്ചിരുന്നു. ഇവയിൽ പലതും പ്രത്യേക ആകൃതിയിൽ ഇദ്ദേഹത്തിന്റെ ശേഖരത്തിൽ ഇന്നുമുണ്ട്. മറ്റു വൃക്ഷങ്ങളെ അപേക്ഷിച്ച് ലളിതമായ പരിചരണത്തിൽ 1–2 വർഷത്തി നുള്ളിൽതന്നെ തെങ്ങ് ബോൺസായ് ആക്കാം. കൂടാതെ, മുളച്ച തേങ്ങ യഥേഷ്ടം നഴ്സറികളിൽ ലഭ്യവുമാണ്. ഫോൺ: 98474 53583

പ്രഫ. ജേക്കബ് വർഗീസ് കുന്തറ അസോഷ്യേറ്റ് പ്രഫസർ, ബോട്ടണി വിഭാഗം, ഭാരതമാതാ കോളജ്, തൃക്കാക്കര, കൊച്ചി–21. ഫോൺ: 9447002211. ഇ മെയിൽ: jacobkunthara123@gmail.com